İqlim dəyişikliyinə qarşı mübarizə tədbirləri çərçivəsində Böyük Britaniyanın daha səkkiz universiteti qazıntı yanacaq (fossil fuel) sənayesi ilə işə qəbul və əməkdaşlıq əlaqələrini dayandırdığını elan edib.
“Tehsil365” xəbər verir ki, Bu addım tələbə və fəal qrupların uzunmüddətli təzyiqləri nəticəsində atılıb və ölkədə təhsil sektorunun ekoloji məsuliyyətinə önəm verdiyini göstərir.
Mançester Metropolitan Universiteti isə bu sahədə liderliyini qoruyaraq yenidən iqlim və sosial ədalət üzrə liqa cədvəlində birinci yeri tutub. Universitetin davamlılıq strategiyaları, yaşıl texnologiyaların tətbiqi və sosial məsuliyyətə verdiyi önəm onu digər ali təhsil müəssisələri arasında fərqləndirir.
Mütəxəssislər bildirirlər ki, universitetlərin belə təşəbbüsləri gənc nəslin ekoloji düşüncəsini gücləndirir və yaşıl iqtisadiyyata keçidi sürətləndirir.