İngiltərədə hökumət xüsusi təhsil ehtiyacları olan (Send) şagirdlər üçün məktəblərdə 50.000-ə qədər yeni yer yaradacağını açıqlayıb.
“Tehsil365” xəbər verir ki, Bu məqsədlə növbəti üç il ərzində 3 milyard funt sterlinq həcmində vəsait ayrılması planlaşdırılır.
Yeni maliyyələşdirmə qismən bəzi planlaşdırılan pulsuz məktəblərin tikintisinin ləğv edilməsi hesabına təmin ediləcək. Yerli şuralar bu vəsaitin düzgün istiqamətlərə, yəni ehtiyacların daha yaxşı bilindiyi yerlərə yönəldilməsinin vacibliyini vurğulayıblar.
Hazırda İngiltərədə təxminən 1,7 milyon şagird Send dəstəyi alır və bu rəqəm hər il artmaqdadır. Yeni investisiya artan tələblərin qarşılanması, xüsusi təhsil ehtiyacı olan uşaqlar üçün daha uyğun və əlçatan təhsil şəraitinin yaradılması baxımından mühüm addım kimi qiymətləndirilir.