13 dekabr 1974-cü ildə Bakıda anadan olan Tahir Qorxmaz oğlu İmanov Azərbaycanın tanınmış komediya aktyoru, rejissoru və ssenaristidir.
"Tehsil365" xəbər verir ki, O, "Parni iz Baku" KVN komandasının keçmiş üzvü və bu gün "Planet Parni iz Baku" KVN teatrının bədii rəhbəri kimi milyonlarla tamaşaçının yaddaşında qalıb.
Yaradıcılıq fəaliyyəti boyunca Tahir İmanov Azərbaycan səhnəsində komediyanın inkişafına özünəməxsus töhfələr verib. Yumor, improvizasiya və kəskin satira ilə seçilən çıxışları ilə o, həm tamaşaçıların sevgisini, həm də sənət ictimaiyyətinin rəğbətini qazanıb.
2011-ci ildə Tahir İmanova Azərbaycanın əməkdar artisti fəxri adı verilib. Bu, onun sənətə verdiyi dəyərli töhfələrin dövlət səviyyəsində də yüksək qiymətləndirildiyini göstərir.
Tahir İmanov bu gün də həm rejissor, həm aktyor, həm də sənət rəhbəri kimi fəaliyyətini davam etdirir, yeni tamaşalarla auditoriyanı güldürməklə yanaşı, düşündürməyə də çalışır.