Bu gün – 13 dekabr 2025-ci il, tanınmış memar, ictimai xadim, Azərbaycanın əməkdar memarı Abbas Ələsgərovun anadan olmasının 88-ci ildönümüdür.
"Tehsil365" xəbər verir ki, Abbas İsmayıl oğlu Ələsgərov 1937-ci il dekabrın 13-də Bakı şəhərində anadan olub. O, uzun illər Azərbaycan Memarlar İttifaqının üzvü kimi ölkənin şəhərsalma və memarlıq sahəsində mühüm xidmətlər göstərib.
Abbas Ələsgərov həmçinin Azərbaycan Respublikasının Dövlət Şəhərsalma və Arxitektura Komitəsinin sədri vəzifəsində çalışaraq, ölkənin memarlıq siyasətinin formalaşmasında və yeni şəhərsalma layihələrinin həyata keçirilməsində mühüm rol oynayıb.
Əməkdar memar 2018-ci il fevralın 18-də vəfat edib. Onun ölkə memarlığına verdiyi töhfələr bu gün də yüksək qiymətləndirilir və yaddaşlarda yaşayır.