13 dekabr 1929-cu ildə tanınmış şərqşünas alim, professor Saleh Əliyev anadan olub.
"Tehsil365" xəbər verir ki, Onun elmi fəaliyyəti, xüsusilə Cənubi Azərbaycan tarixinə dair tədqiqatları ilə yadda qalıb.
Saleh Əliyev uzun illər Rusiya Elmlər Akademiyasının Şərqşünaslıq İnstitutunda fəaliyyət göstərib. Alim təkcə elmi tədqiqatlarla deyil, həm də Azərbaycan diasporasının fəal üzvlərindən biri kimi tanınıb.
Moskvada fəaliyyət göstərən “Ocaq” Mədəniyyət Cəmiyyətinin rəhbəri kimi Saleh Əliyev Azərbaycan mədəniyyətinin tanıdılması və milli kimliyin qorunması istiqamətində mühüm işlər görüb.
Professor Saleh Əliyev 2006-cı il noyabrın 21-də vəfat edib. Onun zəngin elmi irsi bu gün də tədqiqatçılar və tarixçilər üçün dəyərli mənbə olaraq qalır.