Dekabrın 12-də Elm və Təhsil Nazirliyinin təşkilatçılığı ilə Bakı Musiqi Akademiyasında ümummilli lider Heydər Əliyevin xatirəsinə həsr olunmuş anım mərasimi keçirilib.
"Tehsil365" xəbər verir ki, Tədbiri açan Akademiyanın rektoru Fərhad Bədəlbəyli ulu öndərlə bağlı xatirələrini bölüşərək, Heydər Əliyevin Azərbaycan mədəniyyətinin inkişafındakı böyük xidmətlərindən danışıb.
Mərasimdə Milli Məclisin Mədəniyyət komitəsinin sədri Polad Bülbüloğlu çıxış edərək, ümummilli liderin mədəniyyət sahəsinə xüsusi bağlılığını və mədəniyyət xadimlərinə olan diqqətini vurğulayıb.
Elm və Təhsil Nazirliyinin rəhbərliyi, kollektiv üzvləri və ali təhsil müəssisələrinin rektorlarının iştirak etdiyi mərasimdə çıxışlardan sonra klassik mahnı və romanslar səsləndirilib.
Tədbir Heydər Əliyevin əziz xatirəsinin yad olunması və onun ideyalarının gələcək nəsillərə ötürülməsi məqsədilə yüksək səviyyədə keçirilib.