“Son illərdə gənclərdə emosional həssaslığın artması tək bir səbəblə izah olunmur. Bu, həm bioloji, həm sosial, həm də psixoloji faktorların birlikdə təsirindən yaranan çoxqatlı bir prosesdir”.
“Tehsil365” ə açıqlamasında bu sözləri psixoloq Əliyeva Pərvanə bildirib.Onun sözlərinə görə, “Müasir dünyanın sürəti və informasiyanın həddi aşma səviyyəsi ..gənclər əvvəllər heç bir nəsildə olmadığı qədər məlumat seli içində yaşayırlar və beyin bu qədər xəbəri, sosial müqayisəni və vizual stimulu emal etməyə uyğun deyil. Nəticədə…həssaslıq yüksəlir,emosional yüklənmə artır,zehni yorğunluq və narahatlıq yaranır”.
“Sosial şəbəkələrdə ideal həyat obrazları,sosial media hər gün “mükəmməllik” standartı diktə edir…,mükəmməl bədən,mükəmməl uğur,mükəmməl münasibətlər”.
“Gənclər öz real həyatlarını bu standartlarla müqayisə etdikcə daxili təzyiq, özünəinam itkisi və emosional pozğunluqlar artır. Bu, sosial müqayisə travması kimi tanınır.Əlavə olaraq,ailədaxili emosional əlaqənin zəifləməsi,son 10 ildə valideynlərin iş yükü artıb, emosional ünsiyyət azalır. Gənclər çox vaxt…öz duyğularını tək idarə etməyə çalışır,hisslərini ifadə etmək üçün təhlükəsiz mühit tapmır,emosional tənzimləmə bacarığını ailədən öyrənə bilmir.Nəticədə, emosional həssaslıq artır və gənclər kiçik streslərə belə daha kəskin reaksiya verirlər.Yanaşı olaraq, təhlükəsizlik duyğusunun azalması,pandemiya,müharibə xəbərləri, iqtisadi çətinliklər, gələcək qeyri-müəyyənliyi gənclərdə baza təhlükəsizlik hissini zədələyib və beləcə gələcək haqqında sabit təsəvvür olmadıqda, beyin mübarizə və ya qaçış rejimində qalır”.
“Habelə gənclər daha çox öz hissələrini anlamağa çalışırlar,hisslərini adlandırmağı bacarırlar.Başqa sözlə, əvvəllər gizli qalan duyğular indi ifadə olunduğu üçün həssaslıq daha görünən olub.Kollektiv travmaların təsiri..,son illər ard-arda yaşanan sosial, siyasi və iqtisadi dəyişikliklər gənclərin psixikasına birbaşa təsir edir. Bu, kollektiv narahatlıq yaradır…Yəni kimlik axtarışı və özünü tapma prosesinin uzanması…keçmiş nəsillər 18–20 yaşında sosial rol tapırdı,bu gün isə kimlik formalaşması 25–30 yaşa qədər uzanıb. Uzunmüddətli qeyri-müəyyənlik emosional həssaslığı artırır”.
“Və yekunda onu deyə bilərəm ki, bəli gənclərdə emosional həssaslıq artıb, çünki dünya sürətlə dəyişir, informasiya yükü çoxalıb və gənclərin emosional ehtiyaclarını qarşılayan sosial bağlar zəifləyib. Onlar daha çox təzyiq altında, daha çox müqayisə içində və daha az emosional dəstək mühitində böyüyürlər. Amma bu həssaslıq eyni zamanda duyğulara daha açıq, daha şüurlu yeni bir nəslin formalaşdığını da göstərir”.