1928-ci il 14 dekabr tarixində əsası qoyulan Bakı Zooloji Parkı bu gün 97 illiyini qeyd edir.
“Tehsil365” xəbər verir ki, Azərbaycanın ilk və yeganə zooloji parkı olan bu mərkəz uzun illərdir ki, həm elm və təhsil baxımından, həm də istirahət və əyləncə məkanı kimi əhəmiyyətini qoruyub saxlayır.
Bakı Zooloji Parkı nadir heyvan növlərinin qorunması, nümayiş etdirilməsi və təbiətə olan marağın artırılması məqsədilə yaradılıb. Zamanla park təkmilləşdirilərək müasir standartlara uyğunlaşdırılıb və burada yerli ilə yanaşı, dünyanın müxtəlif bölgələrindən gətirilmiş onlarla fauna nümayəndəsi saxlanılır.
Hazırda park yalnız uşaqlar və ailələr üçün sevilən istirahət yeri deyil, eyni zamanda ekoloji təhsil, biomüxtəlifliyin qorunması və ictimai maarifləndirmə sahəsində mühüm rol oynayan bir mərkəzdir.
Bakı Zooloji Parkı həm paytaxt sakinlərini, həm də ölkəmizə səfər edən turistləri illərdir təbiətin sehrli dünyasına qovuşdurur.