Elm və Təhsil Nazirliyi tərəfindən Sabirabad rayonu Quruzma kənd tam orta məktəbində təmir işləri uğurla başa çatdırılıb.
“Tehsil365” xəbər verir ki, Hər il növbəlilik və prioritetlik prinsipləri əsasında həyata keçirilən təhsil infrastrukturunun təkmilləşdirilməsi layihələri çərçivəsində məktəb daha müasir, əlverişli və funksional təhsil mühiti ilə təmin olunub.
Nazirlikdən bildirilib ki, məqsəd təhsil müəssisələrində keyfiyyətli təhsil şəraiti yaratmaq və şagirdlərin təhsil prosesini maksimum dəstəkləməkdir. Təmir edilmiş məktəb bölgədə təhsil səviyyəsinin yüksəldilməsinə töhfə verəcək.