Təhsil jurnalisti Məzahir Məmmədli valideynlərin məktəbə gələndə diqqətlərini yalnız öz övladlarına yönəltdiyini və məsuliyyəti fərdiləşdirdiklərini bildirib.
“Tehsil365” xəbər verir ki, O qeyd edib ki, valideyn komitələrinin fəaliyyəti təhsil müəssisələrində uzun müddətdir ki, sistemsiz və qeyri-rəsmi şəkildə həyata keçirilir.
Məzahir Məmmədli vurğulayıb ki, valideyn komitələri daha çox 8 Mart, Müəllimlər Günü kimi hallarda gündəmə gəlir və tez-tez neqativ assosiasiyalarla yadda qalır. Onun sözlərinə görə, artıq təcrübə göstərir ki, valideyn komitələrinin fəaliyyətini sistemləşdirmək və onların statusunu müəyyənləşdirmək üçün ciddi tədbirlər görülməlidir.
Bu məsələ təhsil sistemində valideynlərin daha effektiv və məsuliyyətli iştirakını təmin etmək üçün aktuallığını qoruyur.