ABŞ-da mühafizəkar dairələrin “MAGA” (Make America Great Again) hərəkatı ilə əlaqəli təzyiqləri fonunda ağ üstünlük və irqçilik mövzusunda dərs keçən universitet mühazirəçisinə qarşı intizam tədbirləri görülüb.
“Tehsil365” xəbər verir ki, Müxtəliflik və sosial ədalət sahəsində dərs deyən akademik artıq yenidən tədrisə başlayıb, lakin bu dəfə ciddi nəzarət altında.
Mühazirəçiyə tətbiq edilən sanksiyalar arasında dərslərinin izlənməsi və dərs materiallarının yoxlanması kimi tədbirlər yer alıb. Bəzi təhsil ekspertləri bunu akademik azadlığa zidd hesab edir və universitetlərin sosial ədalət və bərabərlik mövzusunda açıq müzakirə mühitini qorumalı olduğunu bildirirlər.
Hadisə ABŞ-da ali təhsildə senzura, siyasi təzyiq və akademik müstəqillik məsələlərinin yenidən gündəmə gəlməsinə səbəb olub.