Dekabrın 13-də Odlar Yurdu Universitetində Universitet Liqası çərçivəsində “Nə? Harada? Nə zaman?” intellektual oyunu üzrə “Bilik Kuboku” layihəsinin final mərhələsi keçirilib.
“Tehsil365” xəbər verir ki, yarış Gənclər və İdman Nazirliyinin, Gənclər Təşkilatları Milli Şurasının dəstəyi və Xəzər İntellektual Gənclər Klubunun təşkilatçılığı ilə baş tutub.
Gərgin və maraqlı mübarizə şəraitində keçən final turunun yekunlarına əsasən, Azərbaycan Tibb Universitetinin “Old School” komandası birinci yerə layiq görülüb. Bakı Dövlət Universitetinin “Spictorium” komandası ikinci, Azərbaycan Tibb Universitetinin “Vastator” komandası isə üçüncü yerin qalibi olub.
Müsabiqənin sonunda qalib komandalar kubok, medal və digər dəyərli hədiyyələrlə mükafatlandırılıblar.