1905-ci ilin 15 dekabrında Quba şəhərində Azərbaycanın ilk qadın rəssamı Reyhan İbrahim qızı Topçubaşova dünyaya gəlib.
“Tehsil365” xəbər verir ki,O, təkcə sənətkar kimi deyil, həm də Azərbaycan incəsənətində qadınların yerini müəyyən edən öncüllərdən biri kimi tarixə düşüb. Reyhan Topçubaşova yaradıcılığında milli mədəniyyət motivlərini və qadın obrazlarını özünəməxsus şəkildə canlandırıb.
1943-cü ildə ona "Azərbaycan SSR əməkdar incəsənət xadimi" fəxri adı verilib. Rəssamın əsərləri bu gün də Azərbaycan təsviri sənətinin inkişafında önəmli mərhələ kimi qiymətləndirilir.
Reyhan Topçubaşova 1970-ci il martın 5-də Bakı şəhərində vəfat edib. Onun sənət irsi bu gün də sənətsevərlər və tədqiqatçılar tərəfindən dərin hörmətlə yad edilir.