Bakı Dövlət Universitetində UNESCO-nun Dünya Türk Dili Ailəsi Günü çərçivəsində "Türk dili ailəsi üçün yeni üfüqlər" adlı konfrans təşkil edilib.
“Tehsil365” xəbər verir ki, tədbirə alimlər, tələbələr və digər qonaqlar qatılıblar.
"Türk dili ailəsi ortaq mədəniyyətin, kimlik yaddaşının simvolu və qardaş xalqlar arasında körpüdür. Bu birlik həm tarixi məsuliyyət, həm də gələcək inkişaf üçün böyük bir fürsətdir", - deyə tədbirdə BDU-nun Şərqşünaslıq fakültəsinin dekanı Aydan Xəndan bildirib.
Hacettepe Universitetinin professoru Şükrü Haluk Akalın türk dili ailəsinin 12 milyon kvadrat kilometrlik coğrafi ərazini əhatə etdiyini xatırladıb:
"Dünyanın ən qədim dillərindən biri olan türk dilində dünyada təxminən 300 milyon insan danışır. İyirmi yazılı və danışıq dili vasitəsilə türk dilinin dünyaya ədəbi, elmi, mədəni, kütləvi informasiya vasitələri və başqa məzmunlu məlumatları çatdırılır".