Azərbaycan Universitetində tələbə yıxılıb – vəziyyəti qənaətbəxşdir
“Tehsil365” xəbər verir ki, Azərbaycan Universitetində tələbə mənfi birinci mərtəbədən mənfi ikinci mərtəbəyə yıxılıb. Hadisə zamanı üzərinə çıxılması qadağan olunan yüngül konstruksiyaya qalxdığı bildirilir.
TƏBİB-in məlumatına görə, 18 yaşlı tələbəyə yerində ilkin tibbi yardım göstərilib, döş qəfəsinin travması diaqnozu ilə xəstəxanaya aparılıb. Zəruri tibbi xidmət göstərildikdən sonra ambulor müalicə üçün evə buraxılıb.
Universitetdən bildirilib ki, tələbənin vəziyyəti qənaətbəxşdir, valideynlərinə məlumat verilib.