Bu gün Birləşmiş Ərəb Əmirliklərinin paytaxtı Əbu-Dabidə Azərbaycan Respublikasının Prezidenti İlham Əliyev BƏƏ Prezidenti Şeyx Məhəmməd bin Zayed Al Nahyan ilə görüşüb.
“Tehsil365” xəbər verir ki, Görüş zamanı iki ölkə arasında strateji tərəfdaşlıq əlaqələrinin möhkəmləndirilməsi, enerji, investisiya, yaşıl enerji və digər sahələrdə əməkdaşlığın genişləndirilməsi məsələləri müzakirə olunub. Tərəflər qarşılıqlı maraq doğuran regional və beynəlxalq mövzular ətrafında fikir mübadiləsi aparıblar.
Səmimi şəraitdə keçən görüşdə Azərbaycan və BƏƏ arasında münasibətlərin yüksək səviyyədə olduğu vurğulanıb və gələcək əməkdaşlıq perspektivləri qeyd edilib.
