Dünyada ən uğurlu təhsil sistemlərindən biri sayılan Finlandiyada məktəb həyatı tamamilə fərqli və şagird yönümlüdür.
"Tehsil365" xəbər verir ki, Bu ölkədə təhsil, yemək, ekskursiyalar, məktəb nəqliyyatı daxil olmaqla məktəbə aid hər şey dövlət tərəfindən tam pulsuz şəkildə təmin olunur.
Əgər şagird məktəbdən 2 kilometr uzaqda yaşayırsa, o, dərsə və geri evə məktəb avtobusu ilə pulsuz daşınır. Finlandiya hökuməti təhsilə böyük önəm verir və dövlət büdcəsinin 10%-dən çoxunu bu sahəyə ayırır.
VII sinifə qədər şagirdlərə rəsmi qiymət verilmir, qiymətləndirmə şifahi olur. Əldə edilən nəticəni yalnız şagird özü bilir, bu isə uşaqları psixoloji təzyiqdən və sosial müqayisədən qoruyur.
Məktəblərdə sərt qaydalar yoxdur – parta arxasında əyləşmək məcburi deyil. Şagirdlər dərs zamanı kresloda, divanda və ya istədikləri yerdə əyləşə bilirlər. Müəllimlərin fikrincə, uşaqlar daha çox istirahət etməli, ailələri ilə vaxt keçirməlidirlər. Buna görə ev tapşırıqları az verilir və çox vaxt almır. Hər 45 dəqiqəlik dərsdən sonra 15 dəqiqəlik fasilə olur.
Ölkədə elit məktəb anlayışı yoxdur – bütün təhsil müəssisələrinin səviyyəsi eynidir. Valideynlər evə yaxın olan məktəbi seçir.
Finlandiyada təhsilin əsas məqsədi uşaqlara məktəbi sevdirməkdir. Bunun üçün məktəblərdə pulsuz yemək, dondurmalar təqdim olunur, oyunlar və yürüşlər təşkil edilir. Bu model sayəsində şagirdlər məktəbi sevinclə, stresssiz və yaradıcı mühitdə keçirirlər.
Finlandiyada təhsilin əsas məqsədi uşaqlara məktəbi sevdirməkdir. Bunun üçün məktəblərdə pulsuz yemək, dondurmalar təqdim olunur, oyunlar və yürüşlər təşkil edilir. Bu model sayəsində şagirdlər məktəbi sevinclə, stresssiz və yaradıcı mühitdə keçirirlər.