Böyük Britaniyada aparılan son sorğunun nəticələri ali təhsil müəssisələrində sosial təcrid probleminin geniş yayılmış olduğunu göstərib.
"Tehsil365" xəbər verir ki, Belə ki, tələbələrin 70%-i universitet zallarında özlərini “tənha, dəhşətli və qorxulu” mühitdə hiss etdiklərini bildiriblər.
Respondentlər sosiallaşma imkanlarının azalmasının əsas səbəbi kimi telefonlardan asılılıq, artan yaşayış xərcləri və maddi təzyiqləri göstəriblər. Gənclər qeyd ediblər ki, maliyyə çətinlikləri səbəbilə sosial tədbirlərdə iştirak imkanları məhdudlaşıb, bu isə onların universitet həyatına uyğunlaşmasını çətinləşdirir.
Tədqiqatçılar tələbələr arasında psixoloji rifahın zəifləməsi və sosial əlaqələrin pozulması tendensiyasına diqqət çəkərək, bu məsələnin təhsil müəssisələri tərəfindən ciddi şəkildə dəyərləndirilməli olduğunu vurğulayıblar. Sosial dəstək proqramlarının artırılması və tələbələr üçün münasib sosial fəaliyyətlərin təşkili təklif edilir.