Brexitdən sonra ilk dəfə olaraq Böyük Britaniya 2027-ci ildən etibarən Erasmus+ tələbə və müəllim mübadilə proqramına yenidən qoşulacaq.
"Tehsil365" xəbər verir ki,Bu barədə Leyborist hökuməti razılaşmanı rəsmiləşdirib.
Razılaşmanın maliyyə dəyəri 570 milyon funt sterlinq təşkil edir və bu addım Leyboristlərin seçki manifestindəki əsas vədlərdən birinin yerinə yetirilməsi hesab olunur.
Yeni razılaşma əsasında Böyük Britaniya tələbələri və müəllimləri Avropa universitetlərində təhsil alma, təcrübə keçmə və elmi əməkdaşlıqlarda iştirak etmək imkanına sahib olacaqlar. Proqram həmçinin Avropa ölkələrindən Britaniyaya gələn iştirakçılar üçün də qarşılıqlı imkanlar yaradacaq.
Təhsil mütəxəssisləri bu qərarı Böyük Britaniyanın Avropa təhsil məkanına inteqrasiyasına doğru mühüm addım kimi qiymətləndirir və bunun gənclər üçün beynəlxalq təcrübə imkanlarını genişləndirəcəyini bildirirlər.