Bu gün Azərbaycanın tanınmış qrafik və teatr rəssamı, SSRİ və Azərbaycan SSR xalq rəssamı Mikayıl Abdullayevin anadan olmasının 104-cü ildönümüdür.
"Tehsil365" xəbər verir ki, 1921-ci il dekabrın 19-da Bakıda dünyaya gələn Mikayıl Abdullayev sənətə verdiyi töhfələrlə Azərbaycan təsviri sənətinin inkişafında mühüm rol oynayıb. Rəssam 1960-cı ildə Azərbaycan SSR xalq rəssamı, 1963-cü ildə isə SSRİ xalq rəssamı fəxri adlarına layiq görülüb.
O, həmçinin SSRİ Rəssamlıq Akademiyasının müxbir üzvü (1958), Azərbaycan SSR Ali Sovetinin V–IX çağırış deputatı kimi fəaliyyət göstərib.
Mikayıl Abdullayevin əsərləri bir çox ölkələrdə nümayiş olunub, teatr-dekorasiya sənətindəki işləri ilə də yadda qalıb. O, sənətkarlığı və vətənpərvərliyi ilə nəinki Azərbaycan, həm də dünya incəsənətində iz qoyub.
Rəssam 2002-ci il avqustun 21-də Bakıda vəfat edib. Onun yaradıcılığı bu gün də sənətsevərlər və gənc rəssamlar üçün ilham mənbəyidir.