Bu gün Vətən Müharibəsi Qəhrəmanı, kapitan Surxay Əbdül oğlu Noçuyevin anadan olmasının 37-ci ildönümüdür.
"Tehsil365" xəbər verir ki,1988-ci il dekabrın 19-da Zəngilan rayonunun Məmmədbəyli kəndində dünyaya gələn Surxay Noçuyev Aprel döyüşlərinin və 2020-ci ildə baş vermiş İkinci Qarabağ müharibəsinin qəhrəman iştirakçılarından biri olub.
Şuşa istiqamətində gedən ağır döyüşlərdə igidliklə vuruşaraq 2020-ci il noyabrın 9-da şəhidlik zirvəsinə ucalıb. Göstərdiyi şücaətə görə Surxay Noçuyev ölümündən sonra “Vətən Müharibəsi Qəhrəmanı” fəxri adına layiq görülüb.
Onun xatirəsi xalqımızın yaddaşında daim yaşayacaq və gələcək nəsillərə vətənpərvərlik nümunəsi olacaq. Allah rəhmət eləsin!

