Azərbaycanın görkəmli meyxana ustası və şairi Nizami Rəmzi (əsl adı: Nizami Rza oğlu Baxşıyev) 20 dekabr 1947-ci ildə Bakıda dünyaya gəlib.
"Tehsil365" xəbər verir ki, Onun bənzərsiz üslubu, dərin mənalı sözləri və improvizasiya qabiliyyəti onu meyxana sənətində seçilən simalardan birinə çevirmişdir.
Nizami Rəmzi 1980–1990-cı illərdə meyxananın geniş kütlələrə çatmasında mühüm rol oynamış, onun ifaları dövrün ictimai-sosial məsələlərini, xalqın dərdini, sevincini əks etdirmişdir. O, yalnız meyxana ustadı deyil, həm də dərin düşüncəli bir söz adamı kimi tanınıb.
1997-ci il yanvarın 19-da, cəmi 49 yaşında vəfat edən sənətkar Azərbaycan ədəbiyyatında və xalq yaradıcılığında silinməz iz qoyub.
Bu gün, 20 dekabrda sənətkarın doğum günü münasibətilə onun zəngin irsi yenidən xatırlanır, meyxana sənətinə verdiyi töhfələr yüksək qiymətləndirilir.