Bu gün, 20 dekabr 2025-ci il tarixində, tanınmış şairə, aktrisa və diktor Nurəngiz Günün vəfatının 11-ci ili tamam olur.
"Tehsil365" xəbər verir ki, O, 1938-ci il sentyabrın 21-də Bakıda anadan olmuş, zəngin yaradıcılığı ilə Azərbaycan ədəbiyyatı və mədəniyyətində dərin iz qoymuşdur.
Nurəngiz Gün təkcə poeziyada deyil, həm də teatr və televiziya sənətində öz sözünü demiş sənətkar olub. Onun şeirləri milli duyğular, qadın təəssüratları, sevgi və vətənpərvərlik mövzularında dərin lirika ilə seçilir. O, uzun illər Azərbaycan Yazıçılar Birliyinin üzvü kimi ədəbi mühitin fəal iştirakçısı olub.
Aktrisa və diktor kimi çıxışları da tamaşaçılar tərəfindən rəğbətlə qarşılanıb. Onun səsi və obrazları bir neçə nəsil üçün doğma və unudulmazdır.
Nurəngiz Günün yaradıcılığı bu gün də sevgi ilə xatırlanır, poeziyası və sənətə olan bağlılığı ilə gələcək nəsillərə örnək olur.