Azyaşlıların (6-12 yaş) ingilis dilini öyrənməyə həvəsləndirilməsi məqsədilə xüsusi hazırlanmış Kembric İngilis Dili kvalifikasiyaları artıq ölkəmizdə də geniş tətbiq olunur.
“Tehsil365” xəbər verir ki, Bu kvalifikasiyalar uşaqlara dil bacarıqlarını inkişaf etdirməkdə dəstək olmaqla yanaşı, onların motivasiyasını artırır.
Hər bir imtahan iştirakçısı Kembric Universitetinin Nəşriyyat və Qiymətləndirmə qurumu tərəfindən verilən, beynəlxalq səviyyədə tanınan sertifikatla təltif edilir. Bu sənəd uşaqların ingilis dili biliklərini rəsmi şəkildə təsdiqləyir və gələcəkdə təhsil və karyera imkanlarını genişləndirir.
Qeyd edək ki, Dövlət İmtahan Mərkəzi (DİM) Kembric Universiteti Nəşriyyat və Qiymətləndirmə qurumunun rəsmi test mərkəzlərindən biridir və burada Cambridge English Qualifications (Kembric ingilis dili kvalifikasiyaları) və Cambridge English Teaching (Kembric ingilis dilinin tədrisi) imtahanları uğurla keçirilir. Bu, ölkədə ingilis dili təhsilinin keyfiyyətinin artırılması və beynəlxalq standartlara uyğunlaşdırılması baxımından mühüm addımdır.