Bu gün, 20 dekabr 2025-ci il tarixində, Azərbaycan təsviri sənətinin görkəmli nümayəndəsi, xalq rəssamı Oqtay Sadıqzadənin vəfatının 11-ci ildönümü qeyd olunur.
"Tehsil365" xəbər verir ki, 1921-ci il fevralın 21-də Quba qəzasının Xızı kəndində anadan olan Oqtay Sadıqzadə Azərbaycan təsviri sənətinin inkişafında mühüm rol oynamış, özünəməxsus yaradıcılığı ilə incəsənət tariximizə dəyərli töhfələr vermişdir.
O, 1992-ci ildə "Azərbaycanın xalq rəssamı" fəxri adına layiq görülmüş, 2014-cü ildə isə Azərbaycan Respublikasının Dövlət Mükafatına layiq bilinmişdir. Rəssam 2002-ci ildən Prezidentin fərdi təqaüdçüsü olmuşdur.
Oqtay Sadıqzadənin sənət əsərləri milli ruhu, dərin məna və incə bədii zövqü ilə seçilir. Onun yaradıcılığı uzun illər Azərbaycan incəsənətsevərlərinin yaddaşında yaşayacaq və gələcək nəsillərə sənət örnəyi olacaqdır.