Tam orta (11 illik) təhsil bazasında Azərbaycan Dövlət Rəssamlıq Akademiyası nəzdində İncəsənət Kollecinin rəngkarlıq (sahələr üzrə), qrafika, teatr dekor sənəti, dekorativ-tətbiqi sənət və dizayn ixtisasları üzrə qabiliyyət imtahanı fənlərinin sayı azaldılıb.
“Tehsil365” xəbər verir ki, 2026-cı ildə 1601 kodlu qabiliyyət imtahanı komissiyası üzrə qeydiyyatdan keçmiş abituriyentlər yalnız rəsm fənnindən imtahan verəcəklər.
Heykəltəraşlıq ixtisası (1701 kodlu qabiliyyət imtahanı komissiyası) üzrə fənlərdə isə dəyişiklik yoxdur. Bu ixtisasa qəbul olmaq istəyən abituriyentlər rəsm və yapma fənlərindən qabiliyyət imtahanı verməlidirlər.
Təsviri sənət və memarlıq istiqamətlərində ali və orta ixtisas təhsili müəssisələrinin xüsusi qabiliyyət tələb edən ixtisasları ilə bağlı bütün məlumatlar "Abituriyent" jurnalının xüsusi buraxılışı — "Təsviri sənət/Memarlıq" adlı vəsaitdə dərc olunacaq.
Qabiliyyət imtahanlarına hazırlaşanlar və ətraflı məlumat almaq istəyənlər Dövlət İmtahan Mərkəzinin nəşrlərini və rəsmi internet saytını izləmələri tövsiyə olunur.