1991-ci il Azərbaycan və dünya tarixində dönüş nöqtəsi kimi yadda qaldı.
“Tehsil365” xəbər verir ki, Bu ilin sonunda Sovet İttifaqı rəsmi olaraq dağıldı və keçmiş sovet respublikalarının bir hissəsi yeni siyasi və iqtisadi strukturlar yaratmağa başladı.
Bu hadisə nəticəsində 8 dekabr 1991-ci ildə Rusiya, Ukrayna və Belarus rəhbərləri imzaladıqları Bəyanatla Sovet İttifaqının dağılmasını rəsmiləşdirdi və Müstəqil Dövlətlər Birliyinin (MDB) yaradıldığını elan etdilər. Daha sonra digər keçmiş sovet respublikaları da bu birliyə qoşuldu.
MDB-nin yaradılması regionda yeni dövrün başlanğıcını işarə etdi. Bu birlik keçmiş sovet ölkələri arasında iqtisadi, siyasi və təhlükəsizlik sahəsində əməkdaşlığı davam etdirməyi nəzərdə tuturdu.
1991-ci ilin sonu ilə Sovet İttifaqının 69 illik tarixi sona çatdı və müstəqillik yolunda yeni dövlətlər üçün geniş imkanlar açıldı. Azərbaycanda da bu proses ölkənin suverenliyinin möhkəmlənməsi və müstəqil siyasət yürütməsi ilə nəticələndi.