Nar zəngin tərkibi ilə sağlamlıq üçün faydalı meyvələrdən biri hesab olunur. Onun tərkibində C və K vitaminləri, fol turşusu, kalium və antioksidant maddələr mövcuddur. Bu maddələr orqanizmin müdafiə mexanizmini gücləndirir və ümumi sağlamlığın qorunmasına kömək edir.
“Tehsil365”in araşdırmasına əsasən, nar qan dövranının yaxşılaşmasına, ürək fəaliyyətinin dəstəklənməsinə və qan təzyiqinin tənzimlənməsinə yardımçı ola bilər. Eyni zamanda iltihabın azalmasına və həzm sisteminin normal fəaliyyətinə müsbət təsir göstərdiyi bildirilir.
Nar həmçinin yaddaşın və beyin fəaliyyətinin dəstəklənməsində, yorğunluğun azalmasında və enerji səviyyəsinin artmasında rol oynaya bilər. Tərkibindəki faydalı maddələr hüceyrələrin qorunmasına və orqanizmin gümrah qalmasına kömək edir.
Mövsümündə təbii narın istehlakı balanslı qidalanmanın vacib hissəsi kimi qiymətləndirilir.