Biz gəncləri qeyri-sağlam idarə etməli deyil, biz onları sağlam şəkildə idarə etməyə çalışmalı, onları dinləməli və anlamağa çalışmalıyıq. Çünki sağlam şəkildə idarə olunmadığı zaman nəyinki gənclər, uşaqlar, böyüklər belə anlaşılmadıqlarını düşünə bilirlər.
Bu fikirləri “Tehsil365”ə açıqlamasında psixoloq Nabat Mirzəyeva deyib. O, bildirib ki:
“Qarşımızdakı şəxsin fikirlərini önəmsəyib, anlayıb, fikir və düşüncələrini önəmsəməliyik. Hər bir gənc fərqli ailədən gəlir və hər bir gənc fərqli özünəməxsus xarakterə malikdir. İndiki dövrün aktual problemlərindən biri dırnaqarası pozitiv yaşamağa daha yönəlirlər. Yəni, unudurlar ki, stress, həyəcan insan üçün normal bir faktordur. Biz hər gün, hər an, pozitiv olmağa deyil, duyğu və düşüncələrimizi tanımağa çalışmalıyıq. Biz stresi normal şəkildə qəbul etməliyik. Stresli olmaq normaldır, lakin daimi şəkildə olarsa bu normal deyil. Stresli olan zaman biz duyğunu adlandırmalıyıq, yəni sağlam şəkildə başa çıxmağın yolunu tapmağa çalışmalıyıq. Mən pisəm deyil, mən həqiqətən necəyəm? Özümü həyəcanlı hiss edirəm, özümü qorxulardan ibarət hiss edirəm və yaxud çox gərginəm , yəni bu duyğuların bizə hansı hissi yaşatdıqlarını tanımalıyıq.
Ekspertin fikrincə, stresdən başa çıxmağın ilk addımlarından biri, stresi nə üçün daxilində hiss edirsən və bunu necə adlandırırsan? Pis olmağının səbəbi nədir? bu kimi sualları özünüzə verməkdir. Hal-hazırdaki gənclərin gələcək qayğıları çoxdur. Ya bacara bilməssəm, ya imtahandan keçə bilməzsəm, ya alınmazsa bu fikirləri düşünərək və sosial şəbəkələrdə gördükləri ilə özlərini müqayisə etdikləri üçün, onların etdiyi o müqayisə nəticəsində artıq istər-istəməz motivasiyadan düşürlər və gələcək qayğıları artmağa başlayır. Duyğularımızı adlandırdıqdan sonra gələcək planlar ilə bağlı gün ərzində kiçik-kiçik addımlara başlamaq lazımdır. Özümüzün bacardığımız iş və uğurları göz önümüzə gətirməli və yaşanan həmin o stresli ağrıların tək bizim deyil, hər kəsin başına gələ biləcəyini düşünə bilərik, yəni tək o gərgin deyil, hər kəs gərgin ola bilər.
Stress bizim xoşbəxtçiliyimizin qarşısına keçməməlidir. Özümüzə zaman ayırmalıyıq. Sevdiyimiz filmlərə baxmaq, yürüşlər etmək, sevdiklərimizə zaman ayırıb hədəflərimizə doğru kiçik-kiçik addımlara irəliləməliyik. Streslə düşman deyil, dost olmağı öyrənməliyik. Yəni, stresi qəbul etməliyik. Bu stres mənim həyatımda varsa, mən onu qəbul edib idarə etməyə başlamalıyam. Onunla necə mübarizə apara biləcəyimi, onu necə sağlam şəkildə özümdən uzaqlaşdıra biləcəyim yolu axtarmalıyam. Həyat dört dördlük deyil. Həyat insanı hər cürə sınaya bilər".