Hicri təqvimə əsasən, İslam dünyasında mühüm əhəmiyyət daşıyan Rəcəb ayı bu gün – 21 dekabr tarixindən etibarən başlayıb. Bir çox beynəlxalq və regional dini təqvimlərdə 21 dekabr 1 Rəcəb kimi qeyd olunur.
“Tehsil365”in araşdırmasına əsasən, hicri aylar ayın hərəkətinə – hilalın görünməsinə əsaslandığı üçün bəzi ölkələrdə Rəcəb ayının başlanğıcı bir gün fərqli qəbul oluna bilər. Bu səbəbdən ayrı-ayrı dini qurumlar Rəcəb ayının 21 və ya 22 dekabrda başladığını elan edirlər.
Qeyd edək ki, Rəcəb ayı İslamda dörd haram aydan biri hesab olunur və mənəvi baxımdan xüsusi əhəmiyyət daşıyır. Bu ay tövbə, ibadət və Ramazan ayına hazırlıq dövrü kimi dəyərləndirilir. Eyni zamanda, İslam tarixində mühüm hadisələrdən sayılan İsra və Merac gecəsinin də Rəcəb ayında baş verdiyi bildirilir.