Bu gün Azərbaycanın tanınmış siyasi xadimi, general-polkovnik Ramil İdris oğlu Usubovun doğum günüdür.
"Tehsil365" xəbər verir ki, O, 22 dekabr 1948-ci ildə Xocalı şəhərində anadan olub.
Ramil Usubov uzun illər ölkənin hüquq-mühafizə orqanlarında çalışaraq mühüm vəzifələrdə fəaliyyət göstərib. O, 1994–2019-cu illərdə Azərbaycanın daxili işlər naziri vəzifəsində çalışaraq bu sahənin inkişafına böyük töhfələr verib. Onun rəhbərliyi dövründə daxili işlər orqanlarının maddi-texniki bazası gücləndirilib, peşəkarlıq səviyyəsi yüksəldilib.
Bundan öncə, 1987–1989 və 1993–1994-cü illərdə Naxçıvan Muxtar Respublikasının daxili işlər naziri vəzifəsində fəaliyyət göstərib.
2019-cu ildən etibarən Ramil Usubov Azərbaycan Respublikası Prezidentinin sərəncamı ilə Təhlükəsizlik Şurasının katibi vəzifəsinə təyin olunub. O, dövlətin təhlükəsizlik strategiyasının hazırlanmasında və həyata keçirilməsində mühüm rol oynayır.
Ramil Usubovun dövlət qarşısındakı xidmətləri yüksək dövlət mükafatları ilə təltif olunub. Onun ictimai-siyasi fəaliyyəti ölkənin hüquq-mühafizə və təhlükəsizlik sisteminin formalaşmasında mühüm yer tutur.