25 dekabr 1908-ci ildə Yelizavetpolda (indiki Gəncə) anadan olan Mir İbrahim Mir Tağı oğlu Həmzəyev Azərbaycan teatr sənətinin inkişafında mühüm rol oynamış sənətkarlardan biri kimi yadda qalıb.
"Tehsil365" xəbər verir ki, O, istedadlı aktyor və bacarıqlı rejissor olmaqla yanaşı, həm də təşkilatçı kimi ölkənin mədəni həyatında silinməz izlər qoyub.
Mir İbrahim Həmzəyev uzun illər Naxçıvan Dövlət Musiqili Dram Teatrına rəhbərlik edib və burada uğurlu tamaşaların ərsəyə gəlməsində əsas simalardan biri olub. Onun rəhbərliyi altında teatr peşəkar səviyyəyə çatıb və bölgənin mədəni həyatında əhəmiyyətli rol oynayıb.
Göstərdiyi xidmətlərə görə 1965-ci ildə Mir İbrahim Həmzəyev “Azərbaycan SSR xalq artisti” fəxri adına layiq görülüb. Onun aktyorluq məharəti və rejissor kimi peşəkarlığı bu gün də teatr tarixində dəyərləndirilir.
Mir İbrahim Həmzəyev 4 fevral 1982-ci ildə Bakı şəhərində vəfat edib.
Onun sənət irsi bu gün də Azərbaycan teatrsevərləri tərəfindən hörmət və ehtiramla anılır.