2024-cü il dekabrın 25-də “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Qazaxıstanın Aktau şəhəri yaxınlığında qəzaya uğramasından 1 il ötür.
“Tehsil365” xəbər verir ki, Bu münasibətlə Elm və Təhsil Nazirliyi rəsmi sosial media hesablarında paylaşım edərək hadisə zamanı qəhrəmancasına həlak olmuş ekipaj üzvləri — kapitan İqor Kşnyakin, ikinci pilot Aleksandr Kalyaninov və böyük bələdçi Hökumə Əliyevanın xatirəsini ehtiramla yad edib.
Nazirliyin paylaşımında qeyd olunub:
“AZAL təyyarəsinin qəzaya uğraması nəticəsində həlak olanları böyük kədər hissi ilə anırıq!”
Qeyd edək ki, qəhrəmanlıq nümunəsi göstərən heyət üzvləri Azərbaycan Respublikasının Prezidenti tərəfindən Milli Qəhrəman fəxri adına layiq görülmüşdülər. Təyyarədəki sərnişinlərin həyatını xilas edən bu fədakar insanlar xalqın yaddaşında daim yaşayacaqlar.