Azərbaycan teatr və kino sənətinin görkəmli nümayəndəsi, Xalq artisti Nuriyyə Əliağa qızı Əhmədovanın doğum günüdür.
"Tehsil365" xəbər verir ki, 26 dekabr 1950-ci ildə dünyaya gələn sənətkar zəngin yaradıcılığı, fərqli obrazları və yadda qalan ifaları ilə tamaşaçıların qəlbində dərin iz buraxıb.
Nuriyyə Əhmədova 2007-ci ildə Azərbaycan Respublikasının Xalq artisti fəxri adına layiq görülmüş, 2004–2015-ci illərdə isə Prezident təqaüdçüsü olmuşdur. O, teatr və kinoda canlandırdığı güclü xarakterli qadın obrazları ilə seçilib və sənətsevərlərin rəğbətini qazanıb.
2015-ci ilin 10 oktyabrında vəfat edən sənətkar bu gün də tamaşaçıların yaddaşında dərin izlərlə yaşamaqdadır. Onun zəngin irsi Azərbaycan mədəniyyətinin parlaq səhifələrindən biridir.
Nuriyyə Əhmədovanın xatirəsi daim hörmət və ehtiramla yad edilir.