Bu gün Azərbaycan Respublikasının Xalq artisti, Dövlət mükafatı laureatı, görkəmli aktrisa Səfurə Ağabala qızı İbrahimovanın anadan olmasının ildönümüdür.
"Tehsil365"xəbər verir ki, 1938-ci il dekabrın 27-də Bakıda dünyaya gələn Səfurə İbrahimova uzun illər Azərbaycan teatr və kino sənətinin inkişafına töhfələr verib. O, səhnə və ekran obrazlarında canlandırdığı xarakterlərlə tamaşaçıların yaddaşında dərin iz buraxıb.
Aktrisa 1984-cü ildə Azərbaycan SSR Dövlət mükafatına, 2002-ci ildə isə Azərbaycan Respublikasının Xalq artisti fəxri adına layiq görülüb. Onun yaratdığı rollar həm dərin psixoloji təsiri, həm də sənətkarlıq məharəti ilə fərqlənir.
2020-ci il dekabrın 21-də Bakıda vəfat edən Səfurə İbrahimovanın sənəti bu gün də yaşamaqdadır. Onun adı Azərbaycan mədəniyyət tarixində silinməz izlərlə qalacaq.