İsveçdə yaşlı nəsil arasında zövq üçün öyrənməyə maraq rekord səviyyəyə çatıb.
"Tehsil365" xəbər verir ki, Universitetlərin təşkil etdiyi maarifləndirici tədbirlərdə minlərlə təqaüdçü iştirak edir. Onların məqsədi diplom və ya peşə deyil, bilikdir.
Təqaüdçülər arasında bu tendensiyanın artmasının əsas səbəblərindən biri yaş artdıqca zehni aktivliyi qorumaq və sosiallaşmaq ehtiyacıdır. Yaşlı isveçlilər bu tədbirlərin onlara “ağlı ayıq saxlamaq”, yeni şeylər öyrənmək və həyat keyfiyyətini artırmaqda böyük rol oynadığını bildirirlər.
Göteborg Universitetindən bir professorun sözlərinə görə, yaşlılarda “təhsilə olan fantastik bir aclıq” var və bu da yeni dərs proqramlarının və seminarların keçirilməsini stimullaşdırır.
Bu təşəbbüs bir çox ölkələrə nümunə olaraq göstərilir və ömürboyu təhsilin hər yaşda mümkün və faydalı olduğunu sübut edir.