“Bu gün Əsəd Əhmədov küçəsində baş verən hadisə diqqətin, məsuliyyətin və insani yanaşmanın nə qədər önəmli olduğunu bir daha göstərdi.
“Tehsil365” xəbər verir ki, “BakuBus”ın sürücüsü Allahverdiyev Asif hərəkətdə olan avtomobillərin arasında azyaşlı uşağı görərək dərhal avtobusu saxlayıb. Ətrafı diqqətlə yoxlayan sürücü uşağın tək olduğunu müəyyən edib və onun təhlükəsizliyini təmin edib.
Azyaşlı uşağı avtobusa mindirib. Yaşına görə ünsiyyət qurmaq mümkün olmadığından dərhal 102 xidmətinə məlumat verilib. Qısa müddət ərzində hadisə yerinə gələn polis əməkdaşlarına uşaq təhvil verilib.
Sonradan məlum olub ki, uşaq bağçadan çıxaraq nəzarətsiz şəkildə xeyli məsafə qət edib. Polis əməkdaşları tərəfindən uşaq ailəsinə təhvil verilib.
Göstərdiyi diqqət, operativlik və insani yanaşmaya görə sürücümüz Allahverdiyev Asifə təşəkkür edirik”.