Ümumi təhsil müəssisələrində məktəb-ailə əməkdaşlığının gücləndirilməsi məqsədilə Bakı şəhəri və ölkənin müxtəlif bölgələrində "Valideyn konfransları" təşkil olunub.
"Tehsil365" xəbər verir ki, Konfranslarda valideynlərlə yanaşı, təhsil nümayəndələri də iştirak edib. Görüşlər zamanı şagirdlərin təlim-tərbiyəsi, emosional inkişafı, psixoloji rifahı və təhlükəsizliyi kimi mövzular ətrafında geniş müzakirələr aparılıb, təqdimatlar nümayiş etdirilib və valideynlərin sualları cavablandırılıb.
Tədbirlərin əsas məqsədi məktəblə ünsiyyətdə valideyn iştirakını artırmaq, məktəb və ailə arasında qarşılıqlı əlaqəni möhkəmləndirməklə şagirdlərin həm akademik, həm də sosial inkişafına töhfə verməkdir.
Bu cür tədbirlər valideynlərin maarifləndirilməsinə, eyni zamanda uşaqların daha sağlam və dəstəkləyici mühitdə inkişaf etməsinə xidmət edir.