Bu gün – 28 dekabr, Azərbaycan teatr və kino sənətinin görkəmli nümayəndəsi, Azərbaycan SSR xalq artisti Mustafa Həşim (Haşım) oğlu Mərdanovun vəfatından 57 il ötür.
"Tehsil365" xəbər verir ki, 1894-cü ildə Mərənd şəhərində anadan olan Mustafa Mərdanov XX əsrin əvvəllərində formalaşmağa başlayan Azərbaycan milli teatrının və kino sənətinin inkişafında mühüm rol oynamış sənətkarlardandır. O, həm səhnədə, həm də ekran əsərlərində yaratdığı obrazlarla tamaşaçıların dərin rəğbətini qazanmış, sənəti ilə yaddaşlara həkk olunmuşdur.
1943-cü ildə ona Azərbaycan SSR xalq artisti fəxri adı verilmişdir. Aktyorluq istedadı, yüksək peşəkarlığı və milli mədəniyyətin inkişafına verdiyi töhfələrlə Mustafa Mərdanov Azərbaycan incəsənət tarixində silinməz iz buraxmışdır.
Onun xatirəsi bu gün də dərin hörmət və ehtiramla anılır.