Azərbaycan Respublikası Elm və Təhsil Nazirliyinin təşəbbüsü ilə ümumi təhsil müəssisələrində məktəb-ailə əməkdaşlığını gücləndirmək məqsədilə Bakı şəhərində və ölkənin müxtəlif bölgələrində "Valideyn konfransları" təşkil olunub.
"Tehsil365" xəbər verir ki, Konfranslarda valideynlər və təhsil nümayəndələri bir araya gələrək şagirdlərin təlim-tərbiyəsi, emosional inkişafı, psixoloji rifahı və təhlükəsizliyi mövzularını müzakirə edib, təqdimatlar keçirilib, suallar cavablandırılıb.
Görüşlərin əsas məqsədi məktəblə valideynlər arasındakı əlaqələri möhkəmləndirmək və valideynlərin təhsil prosesində fəal iştirakını artırmaqla şagirdlərin həm akademik, həm də sosial inkişafını dəstəkləməkdir.