Zaqatala rayon İsgəndər Məmmədov adına Qımır kənd tam orta ümumtəhsil məktəbində ədəbiyyat dərsləri çərçivəsində kollektiv mütaliə - "Oxu dəqiqələri" təşkil olunur.
"Tehsil365" xəbər verir ki, Son fəaliyyət IV sinif şagirdlərinin iştirakı ilə baş tutub.
Tədbirdə müxtəlif siniflərdən seçilmiş bədii ədəbiyyat nümunələri şagirdlər tərəfindən maraqla dinlənilib, müəllimlər tərəfindən əsərlərin mövzusu və müəllifləri haqqında geniş məlumat verilib. Şagirdlər dinlədikləri əsərlərin məzmunu, personajlar və əsas mövzular haqqında fikirlərini bölüşərək yaradıcılıq bacarıqlarını nümayiş etdiriblər.
Bu cür kollektiv mütaliə tədbirləri şagirdlərin oxu mədəniyyətini artırmaqla yanaşı, onların ədəbiyyata marağını və anlama qabiliyyətlərini inkişaf etdirməyə kömək edir. Həmçinin, "Oxu dəqiqələri" şagirdlərin nitq mədəniyyətinin formalaşması, intonasiyaya diqqət və ünsiyyət bacarıqlarının təkmilləşdirilməsi baxımından da əhəmiyyətlidir.
Məktəbin müəllim heyəti kollektiv mütaliənin davamlı keçirilməsinin əhəmiyyətini vurğulayaraq, bu fəaliyyətlərin şagirdlərin ümumi təhsil prosesinə marağını artıracağını qeyd ediblər. Tədbirlərdə şagirdlərin fəal iştirakı və marağı onların ədəbiyyatla daha dərin tanış olmalarına şərait yaradır.
Zaqatala rayonundakı bu kimi tədbirlər məktəbdə təhsilin keyfiyyətinin yüksəldilməsi və şagirdlərin intellektual inkişafına töhfə vermək məqsədilə davam etdirilir.