Azərbaycan Dövlət Pedaqoji Universitetində (ADPU) 1978–1983-cü illərdə Coğrafiya və biologiya fakültəsində təhsil almış məzunlarla görüş keçirilib.
“Tehsil365“ bu barədə xəbər verir ki,
Tədbirin açılışında ADPU-nun Tədris departamentinin Məzun koordinasiya və karyera şöbəsinin müdiri Könül Əsgərova məzunları salamlayaraq onların təhsil illərinə nəzər salıb və iştirakçıları əlamətdar görüş münasibətilə təbrik edib.
Tədbirdə çıxış edən Pedaqoji Universitetin sosial və humanitar məsələlər üzrə prorektoru professor Fikrət Rzayev məzunlara universitetin bugünkü fəaliyyəti və inkişaf mərhələləri haqqında ətraflı məlumat verib.
Sonra görüşdə iştirak edən məzunlardan biri, Samux Rayon İcra Hakimiyyətinin başçısı Firdovsi Əliyev tələbəlik illəri və müəllimləri ilə bağlı xatirələrini bölüşüb.
Daha sonra Tarix və coğrafiya fakültəsinin dekanı dosent Asif Axundov, fakültənin 1978–1983-cü illər məzunlarının müəllimlərindən dosent Məlikməmməd Cəbrayılov və baş müəllim Kərəm Bayramov, eləcə də digər məzunlar öz təəssüratlarını bölüşərək xoş arzularını çatdırıblar.