1991-ci il dekabrın 30-da Azərbaycan Respublikasının müstəqilliyi beynəlxalq aləmdə daha geniş tanınmağa başladı. Həmin tarixdə Banqladeş, Finlandiya, Livan, Liviya, Mərakeş, Oman və Səudiyyə Ərəbistanı Azərbaycanın müstəqilliyini rəsmən tanıdı.
"Tehsil365" xəbər verir ki, Bu hadisə Azərbaycanın beynəlxalq münasibətlər sistemində yer alması və dünya birliyi tərəfindən legitim dövlət kimi qəbul olunması baxımından mühüm tarixi mərhələ hesab olunur. Müstəqilliyini yenicə bərpa etmiş ölkə üçün bu dəstək diplomatik əlaqələrin qurulması və siyasi nüfuzun artması baxımından əhəmiyyətli idi.
Sözügedən ölkələrin göstərdiyi bu dostluq və həmrəylik jesti, Azərbaycanın beynəlxalq mövqeyinin möhkəmlənməsində mühüm rol oynamışdır. Bu gün də həmin ölkələrlə Azərbaycan arasında dostluq və əməkdaşlıq münasibətləri davam etdirilir.