1992-ci ilin 30 dekabr tarixində Azərbaycan Respublikası ilə Oman Sultanlığı arasında diplomatik əlaqələr rəsmi olaraq qurulmuşdur.
"Tehsil365" xəbər verir ki, Bu mühüm hadisə Azərbaycanın müstəqilliyini bərpa etməsindən sonra dünya dövlətləri ilə beynəlxalq əməkdaşlığının genişləndirilməsi istiqamətində atılan addımlardan biri kimi tarixə düşüb.
Azərbaycan və Oman arasında qurulan diplomatik münasibətlər illər ərzində qarşılıqlı hörmət, bərabərlik və əməkdaşlıq prinsipləri əsasında inkişaf edib. İki ölkə arasında ticarət, mədəniyyət, turizm və digər sahələrdə əməkdaşlığın gücləndirilməsi üçün müxtəlif təşəbbüslər irəli sürülüb və rəsmi səfərlər həyata keçirilib.
Bu gün Azərbaycan və Oman arasında münasibətlər dostluq ruhunda davam edir və qarşılıqlı maraqlara əsaslanan əməkdaşlıq əlaqələri yeni istiqamətlər üzrə genişlənməkdədir.