“Made In Chelsea” serialının keçmiş ulduzu Rayan Libbey ata olmağın çətinlikləri ilə bağlı səmimi açıqlamaları ilə gündəmə gəlib.
"Tehsil365" xəbər verir ki, O, övlad sahibi olmağı böyük bir həyəcanla gözləsə də, reallıq düşündüyündən tamamilə fərqli olub.
Rayanın partnyoru Luiz doğuş zamanı ciddi sağlamlıq problemi ilə üzləşərək xəstəxanaya yerləşdirilib. Bu səbəbdən Rayan bir anda həm yeni doğulmuş oğlu Leoya, həm də həyat yoldaşına tam qayğı göstərmək məcburiyyətində qalıb. “Düşünürəm ki, bir il ərzində sadəcə sağ qalma rejimində idim,” – deyə o, yaşadığı emosional və fiziki gərginliyi təsvir edib.
Rayanın sözlərinə görə, ata olmaqla bağlı romantik təsəvvürləri gerçək həyatın çətinlikləri qarşısında dəyişib və bu dövr onu həm psixoloji, həm də fiziki cəhətdən sınağa çəkib. O, açıq şəkildə mental sağlamlığın önəmini vurğulayıb və valideynliklə bağlı çətinlikləri paylaşmağın utancverici olmadığını bildirib.
Libbeyin bu səmimi etirafı bir çox yeni ata-anaya dəstək və motivasiya verə bilər.