Böyük Britaniyada ali təhsil sisteminə dair kəskin açıqlama ilə çıxış edən King’s College London-un vitse-kansleri professor Şitij Kapur bildirib ki, universitet dərəcəsi artıq əvvəlki kimi "sosial mobilliyə keçid" sayılmır.
"Tehsil365" xəbər verir ki, Onun sözlərinə görə, ali təhsil alanların sayının artması nəticəsində universitet dərəcəsi indi yalnız "peşəkar dünyaya daxil olmaq üçün viza" rolunu oynayır. Professor Kapur bu fikri ilə ali təhsilin əvvəlki illərlə müqayisədə əmək bazarında fərqləndirici gücünü itirdiyini vurğulayıb.
"Əvvəllər dərəcə sosial yüksəliş üçün açar idi. İndi isə bir çox hallarda bu, sadəcə başlanğıc nöqtəsidir", – deyə o bildirib.
Kapur ali təhsil sistemində islahatlara və universitetlərin tələbələri real əmək bazarına daha yaxşı hazırlamasına ehtiyac olduğunu da qeyd edib. Onun çıxışı Britaniyada ali təhsilin rolu və iqtisadi faydası ilə bağlı müzakirələri yenidən gündəmə gətirib.