Bu gün Azərbaycan Respublikası Silahlı Qüvvələrinin general-mayoru, sabiq müdafiə naziri (səlahiyyətlərini icra edən) Vahid Abdulla oğlu Musayevin anım günüdür.
"Tehsil365" xəbər verir ki, 1947-ci il noyabrın 15-də Bakıda anadan olan Vahid Musayev hərbçi karyerası boyunca müxtəlif məsul vəzifələrdə çalışıb. 1993-cü ilin avqust ayında o, qısa müddət ərzində Azərbaycan Respublikasının müdafiə naziri səlahiyyətlərini icra edib.
1990-cı illərin mürəkkəb və gərgin dövründə hərbi sahədə çalışmış Vahid Musayev Azərbaycan ordusunun formalaşmasında və strukturlaşdırılmasında iştirak etmiş şəxslərdən biri olub.
General-mayor Vahid Musayev 1999-cu il yanvarın 8-də Qobustan qapalı həbsxanasında vəfat edib.
Onun fəaliyyəti ölkəmizin hərbi-siyasi tarixində mübahisəli, lakin diqqətəlayiq səhifələrdən biri olaraq qalır.