Xətai rayonu A.S.Xəlilov adına 263 nömrəli tam orta məktəb kollektivinə Bakı Ali Neft Məktəbi tərəfindən göndərilən təşəkkür məktubu böyük qürur və motivasiya mənbəyi olub.
"Tehsil365" xəbər verir ki, Məktəbin rəhbərliyi və müəllim heyəti bu dəyərli diqqətin təhsil sahəsindəki əməkdaşlığın və uğurların yüksək qiymətləndirilməsi olduğunu vurğulayırlar.
Bakı Ali Neft Məktəbinin məktəb fəaliyyətini təqdir etməsi həm müəllimlər, həm də şagirdlər üçün önəmli dəstək və ruhlandırıcı faktor sayılır. Məktəb rəhbərliyi bildirir ki, bu cür qarşılıqlı hörmət və əməkdaşlıq gələcəyimiz olan gənclərin inkişafına əvəzsiz töhfə verir.
Kollektiv həmçinin Bakı Ali Neft Məktəbinin rəhbərliyinə və heyətinə təşəkkürünü çatdırır və gələcəkdə təhsil sahəsində əməkdaşlığın daha da genişlənəcəyinə əminliyini ifadə edir.
Xətai rayonu 263 nömrəli tam orta məktəb belə nümunəvi əlaqələrin təhsilin keyfiyyətinin yüksəldilməsi və şagirdlərin uğurlarının artırılması baxımından əhəmiyyətli olduğunu vurğulayır və bu istiqamətdə fəaliyyətini davam etdirəcəyini bildirir.