Azərbaycanın görkəmli yazıçısı, ədəbiyyatşünas və tənqidçisi, filologiya elmləri doktoru, professor Çingiz Həsən oğlu Hüseynov 2024-cü il yanvarın 8-də, 94 yaşında Qüds şəhərində vəfat edib.
"Tehsil365" xəbər verir ki, 1929-cu il aprelin 20-də Bakıda anadan olan Çingiz Hüseynov uzun və zəngin yaradıcılığı ilə Azərbaycan və dünya ədəbiyyatında silinməz iz qoyub. O, nasir, tənqidçi, tərcüməçi kimi saysız-hesabsız əsərlərə imza atmış, bir çox klassik və müasir rus ədəbiyyatını Azərbaycan dilinə, Azərbaycan ədəbiyyatını isə rus dilinə tərcümə etməklə iki mədəniyyət arasında körpü rolunu oynamışdır.
1959-cu ildən Azərbaycan Yazıçılar Birliyinin üzvü olan Çingiz Hüseynov 1989-cu ildə "Azərbaycan SSR əməkdar incəsənət xadimi" fəxri adına layiq görülmüş, həm elmi, həm də bədii fəaliyyətində dərin analitik düşüncə tərzi ilə seçilmişdir.
Onun elmi fəaliyyəti, ədəbiyyata gətirdiyi yeni baxışlar, tərcüməçilik fəaliyyəti və bədii irsi gələcək nəsillər üçün dəyərli örnək olaraq qalacaq. Çingiz Hüseynovun vəfatı Azərbaycan mədəniyyəti və ədəbiyyatı üçün böyük itkidir.
Allah rəhmət eləsin.