10 yanvar 1997-ci il tarixində Azərbaycanda özəl televiziya yayımçılığı sahəsində mühüm addım atılaraq Space Müstəqil Televiziya və Radio Şirkəti yaradılıb.
"Tehsil365" xəbər verir ki, Space TV, Azərbaycanın müstəqil media mühitində fəaliyyət göstərən ilk özəl televiziya kanallarından biri kimi fəaliyyətə başlamış, qısa zamanda tamaşaçılar arasında geniş auditoriya qazanmışdır. Telekanal xəbərlər, analitik proqramlar, sənədli filmlər, mədəniyyət, musiqi, əyləncə və digər janrlarda müxtəlif verilişlər hazırlayaraq ölkənin informasiya məkanında özünəməxsus yer tutub.
Space TV həm də bir çox tanınmış televiziya simalarının karyerasına başladığı mərkəz olmuş, Azərbaycan televiziyasında peşəkar kadrların yetişdirilməsində mühüm rol oynamışdır.
Bu gün Space TV-nin yaradılmasının 29-cu ildönümündə televiziya kollektivinə gələcək fəaliyyətlərində uğurlar arzu edilir, Azərbaycan mediasına verdiyi töhfələr yüksək qiymətləndirilir.